Сергяенка: больш за 4 тыс. водгукаў і прапаноў паступіла ад насельніцтва па праекце Канстытуцыі

  Фота з архіва НАВІНЫ СЮЖЭТА  "КАНСТЫТУЦЫЯ БЕЛАРУСІ - РАБОТА НАД ПРАЕКТАМ" Беларускія дыпламаты ўнеслі прапановы пры абмеркаванні праекта абноўленай Канстытуцыі Міклашэвіч: усе асноўныя змяненні па Канстытуцыі грунтуюцца на прапановах грамадзян 11 студзеня, Мінск /Кар. БЕЛТА/. Больш за 4 тыс. водгукаў і прапаноў паступіла ад насельніцтва па змяненнях і дапаўненнях у Канстытуцыю. Аб гэтым журналістам расказаў кіраўнік Адміністрацыі Прэзідэнта Ігар Сергяенка падчас дыялогавай пляцоўкі па абмеркаванні праекта змяненняў і дапаўненняў у Канстытуцыю, якая праходзіць сёння ў Беларускім дзяржаўным медыцынскім універсітэце, перадае карэспандэнт БЕЛТА. "Бачым актыўную цікавасць да тэксту змяненняў і дапаўненняў у Канстытуцыю. Яе выказваюць розныя катэгорыі грамадзян і ў вёсцы, і ў горадзе. На сённяшні дзень ад насельніцтва паступіла больш за 4 тыс. водгукаў, зваротаў, канкрэтных прапаноў адносна праекта. Цэнтр прававой інфармацыі штодзень аналізуе паступаючую інфармацыю, займаецца яе абагульненнем. Ёсць цікавыя канкрэтныя прапановы, якія будзем разглядаць на пасяджэнні рабочай групы Канстытуцыйнай камісіі. Пераважае колькасць водгукаў у падтрымку праекта Канстытуцыі, ёсць і якія адмаўляюць, дзе ўзамен нічога не прапануецца", - сказаў Ігар Сергяенка. Найбольш высокая цікавасць з боку насельніцтва да артыкулаў, звязаных з сацыяльнай палітыкай, адзначыў кіраўнік Адміністрацыі Прэзідэнта. Грамадзян хвалюе, ці захаваюцца асноўныя арыенціры дзяржавы. Разам з гэтым людзі выказваюць цікавасць і да функцый і паўнамоцтваў Усебеларускага народнага сходу. Падчас дыялогавай пляцоўкі ў БДМУ студэнтаў і прафесарска-выкладчыцкі склад азнаёмяць з праектам змяненняў і дапаўненняў у Канстытуцыю, выслухаюць іх меркаванні і прапановы.-0- Фота Максіма Гучака