Лукашэнка: Беларусі і Бразіліі трэба больш інтэнсіўна выбудоўваць адносіны

  Беларусі і Бразіліі трэба больш інтэнсіўна выбудоўваць адносіны. Аб гэтым Прэзідэнт Беларусі Аляксандр Лукашэнка заявіў на сустрэчы з паслом Бразіліі Бернардам Клінглам, перадае карэспандэнт БЕЛТА. "Думаю, што нам трэба падыходзіць да выбудоўвання нашых адносін больш інтэнсіўна і не ўскладняць іх. Проста. Асновай з'яўляецца эканоміка. Таму трэба выбраць тыя напрамкі супрацоўніцтва ў эканоміцы, якія цікавыя Бразіліі. З другога боку - цікавыя Беларусі. Гэта мы можам зрабіць", - сказаў кіраўнік дзяржавы. Аляксандр Лукашэнка адзначыў наяўнасць для абмеркавання вялікай колькасці пытанняў. "Узаемавыгадных пытанняў. Якія ўзнімаліся мною раней. Але некаторыя з іх не знайшлі свайго вырашэння. А калі яны ўзаемавыгадныя (як вы бачыце, час вельмі моцна хутка мяняецца), нам трэба падысці сур'ёзна да гэтых пытанняў і вызначыцца, ці будзем мы ў гэтым напрамку рухацца", - сказаў ён. Кіраўнік дзяржавы таксама падкрэсліў, што погляды спецыялістаў як у Беларусі, так і Бразіліі на пытанні светапарадку поўнасцю супадаюць. "Гэта будзе садзейнічаць і садзейнічае стварэнню больш эфектыўных адносін паміж нашымі дзяржавамі", - упэўнены Прэзідэнт.