Карпенка аб падрыхтоўцы да рэферэндуму: ніякіх праблемных пытанняў няма

  Фота з архіва 7 лютага, Мінск /Кар. БЕЛТА/. Пры падрыхтоўцы да рэспубліканскага рэферэндуму ніякіх праблемных пытанняў не ўзнікае, заявіў у эфіры тэлеканала "Беларусь 1" старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Ігар Карпенка, паведамляе БЕЛТА. "Нейкіх праблемных пытанняў няма. Даволі вопытны апарат працуе. Дзяржаўныя органы і структуры, якія ў адпаведнасці з Выбарчым кодэксам прымаюць удзел у арганізацыі гэтай электаральнай кампаніі, таксама працуюць зладжана. Таму ў прынцыпе пытанняў не ўзнікае", - сказаў Ігар Карпенка. Прэзідэнт Беларусі 20 студзеня падпісаў указ "Аб назначэнні рэспубліканскага рэферэндуму". Асноўны дзень галасавання назначаны на 27 лютага. Прагаласаваць за змяненні і дапаўненні ў Асноўны закон можна будзе і датэрмінова: з 22 па 26 лютага ўключна. БЕЛТА