Аграрыі Беларусі набліжаюцца да 7 млн тон збожжа

  17 жніўня, Мінск /Кар. БЕЛТА/. Аграрыі Беларусі набліжаюцца да 7 млн т збожжа. Аб гэтым расказалі ў эфіры тэлеканала СТБ, паведамляе БЕЛТА. Спрыяльныя ўмовы надвор'я дазваляюць нагнаць упушчаны час, і жніво, як чакаецца, завершыцца ў аптымальныя тэрміны. Лідзіруючую пазіцыю займае Брэсцкая вобласць, набірае скорасць і паўночны рэгіён - Віцебская. На палях гаспадаркі "Вусце" НАН Беларусі ўборачная кампанія перасягнула экватар. Сярэдняя ўраджайнасць тут перавышае 50 ц/га. Рэкардсменам стаў азімы ячмень з паказчыкам каля 70 ц/га. Цяпер прадпрыемства актыўна выконвае дзяржзаказ па збожжы. "Вядома, у бягучым годзе ўмовы надвор'я стрымлівалі ўборку. Усе людзі на месцах знаходзіліся, дзяжурылі ў полі. Уборку вядзём без страт, самае галоўнае. Тэрміны, канечне, будуць крыху срушаны ва ўборцы. Усе сарты, якія прадпрыемства вырошчвае, гэта збожжавыя культуры, гэта і рапс, гэта і насеннікі траў, - гэта ўсё распрацоўка НПЦ НАН па земляробстве. Мы бяром для сябе гадавальнікі размнажэння ў НПЦ і вырошчваем, размнажаем у сябе на вытворчых участках і рэалізуем па наступных прадпрыемствах нашага рэгіёна, вобласці", - сказаў дырэктар прадпрыемства "Вусце" НАН Беларусі Дзмітрый Бацюкоў.