Новыя дарогі і арэнднае жыллё. Лукашэнка павялічыў дзяржінвестпраграму на гэты год да Br1 млрд

26 ліпеня, Мінск /Кар. БЕЛТА/. Унесены змяненні ў дзяржаўную інвестыцыйную праграму на 2022 год. Адпаведны ўказ нумар 257 Прэзідэнт Беларусі Аляксандр Лукашэнка падпісаў 26 ліпеня, паведамілі БЕЛТА ў прэс-службе кіраўніка дзяржавы.

На рэалізацыю мерапрыемстваў дзяржінвестпраграмы ў 2022 годзе будзе дадаткова накіравана Br357,1 млн. У выніку яе аб'ём складзе Br1,052 млрд замест запланаваных раней Br695 млн.

Дадатковыя сродкі будуць выдзелены на будаўніцтва рэспубліканскіх дарог і мастоў, прадаўжэнне будаўніцтва аб'ектаў, фінансаванне якіх прыпынена міжнароднымі фінансавымі арганізацыямі, узвядзенне станцый ачысткі вады ад прымесей жалеза, праектаванне і будаўніцтва арэнднага жылля для ваеннаслужачых і дзяржаўных служачых.

Прынятыя меры дазволяць павялічыць колькасць прадугледжаных да ўводу ў эксплуатацыю ў гэтым годзе аб'ектаў з 48 да 60, палепшыць стан транспартнай інфраструктуры і актывізаваць работу па нарошчванні аб'ёмаў будаўніцтва арэнднага жылля.

БЕЛТА

21.04.2025

Навiны рэспублiкi

Эксперт: мадэрнізацыя малых гарадоў прадухіліць адток кадраў у вялікія цэнтры

21.04.2025

Навiны рэспублiкi

Стварыць умовы для людзей. Лукашэнка абазначыў задачы па развіцці пасёлкаў гарадскога тыпу

14.04.2025

Навiны рэспублiкi

Змяненні ў пенсійным забеспячэнні для некаторых катэгорый грамадзян уступяць у сілу з 1 мая

Усе навіны